Израилын Беер-Шеве хотод чөлөөнд гарсан офицер нэг нөхөр 1,6 мянган доллартай тэнцэх 6000 шекелийн зээлээ төлөхгүй хэмээн уурсч банкинд гал нээж дөрвөн хүний амь бүрэлгээд эцэст нь өөрийнхөө амийг егүүтгэжээ. Гэмт этгээд банкнаас ямар нэгэн мөнгө, эд зүйл дээрэмдээгүй байна. Энэ бол сүүлийн жилүүдэд хүмүүсийг бөөнөөр нь хядаж байгаа хамгийн аймшигтай том гэмт хэрэг гэж хууль сахиулагчид мэдэгдэж байна.
Банкны ажилтантай зээлийнхээ талаар ярьж тохирч чадаагүй этгээд гарч яваад гар буу авчран буудаж эхэлсэн гэж телевизээр дамжуулжээ. Гал нээх үеэр банкны захирал, түүний орлогч, бас нэг үйлчлүүлэгч байсан байна. Хамгийн сүүлийн хүнийг барьцаалаад нэг цаг хэртэй болоходл тусгайгийнхан банкийг бүсэлж хэлэлцээ хийхийг оролдсонч гэмт этгээд барьцааны хүнээ суллаж явуулаад буудсаныхаа дараа өөрийгөө бууджээ.