Тунисын нийслэлд исламын шашинтнууд эмх замбараагүй байдал үүсгэж цагдаа нартай мөргөлдсөнөөс нэг хүн нас барж, 14 хүн хүнд шархадсаны 11 нь цагдаагийн ажилтан байна. Эрх баригчид ”шариатын талынхан” гэдэг байгууллагын их хурлыг террорист ажиллагаатай холбоотой хэмээн хориглосноос хамаг хэрэг эхэлсэн байна. Үүний дараа тус байгууллагын нэг удирдагч өөрийн талынхнаа уриалан ийм байдал үүсгэжээ. Жагсагчид нийслэлийн  ойр орчимд бэхлэлт босгож машины дугуй шатаан цагдаагийнхныг чулуугаар шидэлж эхлэхэд үндэсний гвардийн хуягт тээвэрлэгч оруулан цагдаагийнхан нулимс асгаруулагч хий цацсан байна.
Дотоод яамны мэдээгээр бол “Шариатын талынхан” байгууллагыг өмнө нь хоригдол байсан Абу Айяд тэргүүлдэг юм байна. Тэр террорист халдлага үйлдсэнийхээ төлөө 43 жилийн хорих ялаар шийтгүүлсэн ч 2011 оны хувьсгалын дараа өршөөлөөр суллагдсан хүн гэнэ.