УИХ-ын чуулганаар Ерөнхий сайд Бондын зарцуулалтын талаар мэдээлэл хийлээ. Бондын мөнгөөр энэ жил төмөр зам барих, зургаан аймгийг хатуу хучилттай замаар холбох зэрэг ажлыг хийнэ гэдгийг хэлсэн. Харин УИХ-ын гишүүн А.Тлейхан, “Бондын зарцуулалтад хяналт тавих эрх бүхий хяналтын зөвлөл байх хэрэгтэй” гэсэн саналыг Ерөнхий сайдад тавьсан юм. Харин Ерөнхий сайд Н.Алтанхуяг, “Бондод хяналтын зөвлөл байх хэрэггүй. Харин бондын хяналтын зөвлөл бус бондын бодлогын зөвлөл гэж байгуулсан. Энд багтсан хүмүүс шийдвэр гаргахгүй. Зөвхөн зөвлөгөө өгч байгаа юм. Үүнд танай намын бүлгийг хүнээ өг гэж хэлсэн, одоо болтол өгөөгүй байгаа” гэсэн тайлбарыг өглөө.