Зимбабвейн Гверу хотод хүн итгэмээргүй бас цочирдмоор үйл явдал болж сүүлчийн замд нь үдэх гэж байсан хүн авснаасаа өөрөө босоод иржээ. Өмнөд африкийн энэ улсын нэгэн айлд долоо хоногийн өмнө золгүй явдал тохиож 34 настай Брайтон Дама гэгч нас барсан юм байна. Төрөл төрөгсөд нь оршуулахаар бэлтгэж яг сүүлчийн замд нь  үдэхээр төрөл төрөгсөд, танил нөхөд нь цуглаад байтал “талийгаач” гэнэт нүдээ нээж босоод суучихсан гэнэ. Хүмүүс айж цочирдсон ч хөөрхийг авснаас нь гаргаж авч оршуулах ёслолоо зогсоосон байна.