Хятадад нэгэн баян эр 423 мянган ам.доллараар авсан “Maserati Quattroporte” машинаа олны нүдэн дээр эвдэлсэн явдал гарчээ. Машины эзэн Ванг хэмээх залуу гэмтэлтэй эд ангийг нь солиулахаар машин худалдаалсан гэрээт борлуулагчид хандсан боловч тэд засахдаа шинэ биш хуучин сэлбэгээр зассан гэнэ. Үүнд уурссан машины эзэн Циндаод болсон олон улсын авто шоуны үеэр олны өмнө машинаа эвдүүлэхээр гурван залуу хөлсөлсөн байна. Италид үйлдвэрлэдэг тансаг зэрэглэлийн уг машиныг хөлсний гурван залуу лантуугаар цохиж, цонх, хаалгыг нь авахын аргагүй болгож орхижээ.
Хятадад өмнө нь ч бас ийм явдал гарч байсан юм. Циндаогийн Хан Нан хэмээх бизнесмэн эр 750 мянган ам.долларын үнэтэй Lamborghini машиныхаа хөдөлгүүрийг засуулах гээд чадаагүйдээ уурлаж, дэлхийн хэрэглэгчдийн эрхийн өдрөөр олны өмнө эвдэлж сүйтгэж хаясан удаатай.