АНУ-ын Калифорни мужид Этта Лопес хэмээх нэг эмэгтэй шоронгийн гадаа бараг л бүтэн өдөржин зогсч гэнэ. Тэрээр цагдаагийн ажилтан хэн нэгэн гарч ирэхийг хүлээж байж. Тэгж байтал нэг цагдаа гарч ирмэгц, ямар ч учир шалтгаангүйгээр нүүрэнд нь цохиод авчээ. Этта Лопес цагдаагийн ажилтанд халдсан шалтгаанаа шүүхэд тайлбарлахдаа тамхинаас гарахын тулд гэжээ. Шоронд байх хугацаанд тамхи олдохгүй учраас муу зуршлаасаа салах хамгийн тохиромжтой арга гэж тэр бодсон гэнэ. Шүүх түүнд 63 хоног хорих шийтгэл оноосон байна. 2004 оноос хойш АНУ-ын шоронгуудад тамхи татахыг бүрэн хориглосон ажээ.