АНУ-ын Вермонт мужийн хууль тогтоогчид сайн дураараа үхэхийг зөвшөөрсөн хууль баталж тун удахгүй амбан захирагчид өгөхөөр бэлтгэж байна.  Хууль хэрэгжээд эхэлбэл үхлийн аюултай өвчин туссан хүмүүс өөрийгөө амьдралаас явуулах эм бэлдмэл өгөхийг эмчээс хүсч болох юм. Харин үүний тулд мэргэжлийн хоёр эмч, сэтгэл зүйчийн санал дүгнэлт гаргаж өвчтөний хүссэн эмийг 17 хоногийн хугацаанд өгч байх аж.
Ингэснээр Вермонт муж эдгэршгүй хүнд өвчтэй хүн амьдралаас өөрөө сайн дураараа татгалзахыг хуулиар зөвшөөрсөн дөрөв дэх муж болж байгаа юм. Хамгийн анх Орегон муж 1997 онд ийм хууль баталж байсан юм.