Бангладешид найман давхар барилгын нуранги дор дарагдсан хүмүүсийг эрэх ажиллагааг зогсоосон байна. Оёдлын үйлдвэр, худалдаа үйлчилгээ эрхэлдэг байсан энэ барилга нурах үеэр 3000 орчим хүн байсан гэж мэдээлж буй ч амь алдсан хүний тоо 1000 даваад байна. Аврагчид 2500 орчим хүнийг гаргаж авсан ч нуранги дороос өнөө хүртэл хүн гарсаар байгаа юм. Нурсан барилгыг эхэндээ гурван давхар барихаар зөвшөөрөл авсан ч найман давхар болгож барьсан аж. Хууль сахиулагчид үүнд буруутай есөн хүнийг саатуулаад байна.