АНУ-ын Шинэ Орлеанд Эхчүүдийн өдийг тохиолдуулан зохион байгуулсан жаз хөгжмийн жагсаалын үеэр гэмт этгээд гал нээж, 19 хүн шархадсаны дотор насанд хүрээгүй хоёр хүүхэд байна. Мөн долоон эмэгтэй байсан байна. Азаар хүний амь эрсдээгүй, шархадсан хүмүүст эмнэлгийн тусламж үзүүллээ гэж албаны эх сурвалж мэдээлжээ. Нүдээр үзсэн хүмүүс газар газраас буудаж байсан гэсэн бол цагдаагийнхан “Хэрэг болсон газраас зэвсэгтэй гурван хүн зугтааж нуугдсан” гэсэн мэдээллийн мөрөөр шалгаж эхэлсэн байна. Цагдаагийнхан гэмт этгээдийг зааж өгсөн хүнд 2500 долларын шагнал амласан байна.
Үүний өмнө Шинэ Орлеанд  хоёрдугаар сард “Марди-Гра” багт наадмын үеэр бас ийм хэрэг гарч дөрвөн хүн шархдаж байсан юм. Шинэ Орлеан нь АНУ-д гэмт хэрэг хамгийн их гардаг хотуудын нэгэнд багтдаг ажээ.