Бангладешт үйлдвэр үйлчилгээний найман давхар барилга нурсан газарт хүмүүсийн цогцос эрж хайх ажил үргэлжилж байна. Одоо нас барсан хүмүүсийн нэрсийн жагсаалт хэдийнээ 1000 давсан ч одоо нуранги дор хэчнээн хүн байгааг тааж мэдэхгүй байна. Гурван давхар барилга барих зөвшөөрөл  аваад найман давхар болгож барьснаас нурсан гэж үзэж байгаа энэ барилга нурах үеэр тэнд 3000 гаруй хүн байсан гэж байсан. Гэтэл 2500 орчим хүнийг аварсан байхад нуранги дороос цогцос гарсаар байгаа юм.
Барилга бариулсан инженер зэрэг хэд хэдэн хүнийг баривчилж, ийм үйлчилгээний газруудад шалгалт хийж 18 үйлдвэрийг хаагаад байна.
Барилгын эзэн Мохаммед Сохель Ранаг Энэтхэг рүү зугтах гэж байхад нь баривчилжээ. Барилга нурах аюултай байхад үйл ажиллагаа явуулсаар байсан, техник аюулгүй байдлын зохих стандарт зөрчсөн нь нотлогдвол түүнд олон хүний амь хөнөөсөн хэргээр цаазаар авхуулах ял оногдуулах юм байна.