УИХ-ын чуулган 09:00 цагт хуралдах ёстой одоо болтол эхлээгүй, чуулганы танхим хоосон байна. МАН-ынхны зүгээс Сонгинохайрхан дүүргээс сонгогдоод буй Д.Сумъябазарыг тангараг өргүүлэх ёстой гэсэн байр суурьтай байгаагаа илэрхийлжээ. Харин олонхийн бүлэг нэгэнт Д.Сумъяабазар тангараг өргөж байгаа бол Өвөрхангайгаас сонгогдсон Д.Зоригтыг ч тангараг өргүүлэх нь зүйтэй гэж үзэж байгаа аж. Тиймээс энэ асуудлыг намын бүлгүүд дотооддоо ярилцаж шийдвэр гаргахаар хуралдаж байна. Хэрэв хоёр намын бүлэг тохиролцоонд хүрвэл УИХ элэн бүтэн 76 гишүүнтэй болох магадлалтай байна.