Америкт арваад жилийн өмнө сураггүй алга болсон гурван эмэгтэйг олсон тухай мэдээ жинхэнэ дуулиан тарьж байна. Хулгайлагдсан бүсгүйчүүдийг нууцаар хорьж байсан айлын хөрш нь ажлаа тарж яваад эмэгтэй хүний хашхирах дуунаар хаалгыг нь нээж өгснөөр гурван эмэгтэй суллагдсан байна.

Анх суллагдсан Аманда Берри нь тэр даруй цагдаа руу залгаснаар бусдыг нь чөлөөлжээ. Аманда Берри нь 2003 онд 16 настай байхдаа ажлаа тарж яваад сураггүй болсон. Хоёр дахь эмэгтэй Жина Диезус нь 2004 онд 14 настай байхдаа алга болсон бол гурав дахь эмэгтэй Мишель Найт нь 2000 онд 20 настай байхдаа сураггүй алга болоод эрэн сурвалжлагдаж байжээ.

Хэргийн газар ирсэн цагдаа нар хүн хулгайлсан хэргээр 50, 52, 54 настай гурван эрэгтэйг баривчилсан байна. Энэ гурав ах дүүс байсан бөгөөд нэг нь сургуулийн автобусны жолооч байжээ.