Исламын “Боко Харам” зэвсэгт бүлэглэлийн дайчид мягмар гарагт Бама хотын шорон руу халдаж 55 хүний амь хөнөөсний 22 нь цагдаагийн ажилтан, 14 нь шоронгийн харгалзагч, хоёр нь цэргийн албан хаагч, энгийн дөрвөн иргэн байжээ. Зэвсэгт бүлэглэлийн дайчдаас 13 хүн алагдсан байна.
Зэвсэгт бүлэглэлийнхэн цагдаагийн хэсгийн байр болон засгийн газрын мэдлийн хэд хэдэн байрыг шатааж 100 гаруй хоригдлыг суллаж амжжээ.
“Боко Харам” бүлэглэл улс орондоо шариатын хууль мөрдөхийг шаарддаг юм. 150 сая хүнтэй Нигерийн умард хэсэгт амьдардаг мусульманчууд энэ орчмын хэдэн арван мужид хэдийнээ шариатын хуулийг мөрддөг болоод байгаа юм байна.