Дэлхийн худалдааны байгууллагын тэргүүнээр Бразилийн дипломат, 55 настай Роберт Азеведу сонгогдлоо. Тус байгууллагын 159 гишүүн улс, байгууллагын зөвлөлдөөнөөс ийм шийдвэр гарсан байна. Одоо үүргээ гүйцэтгэж байгаа, 2005 онд томилогдсон францын Паскаль Ламиг есдүгээр сарын нэгэнд ажлаа өгөхөд Роберт Азеведу үүрэгт ажилдаа албан ёсоор орох юм. Роберт Азеведу улсынхаа Гадаад хэргийн яаманд 20 жил эдийн засгийн асуудал хариуцаж, түүний удирдлага дор Бразил улс АНУ болон Европын холбоотой худалдааны томоохон зөрчил үүсгэж байсан юм. Азеведу “Худалдаа ганцхан өөрийн эрх ашгийн төлөө байх ёсгүй, тэр бас бодит ертөнцөд айл гэрийн амьдралын сайн сайхны төлөө байх ёстой” гэж хэлдэг хүн юм.