Бостонд олон улсын марафон гүйлтийн  тэмцээний үеэр бөмбөг дэлбэлсэн ах дүү Царнаев нар бөмбөгөө долдугаар сарын 4-ний өдөр АНУ-ын Тусгаар тогтнолын өдрөөр дэлбэлэхээр төлөвлөж байжээ. Энэ тухайгаа 19 настай Жохар Царнаев байцаалтын үед хэлсэн байна. Тэр цагдаа нартай буудалцаж байгаад амь үрэгдсэн ах 26 настай Тамерлантай хамт дэлбэлэх бодисоо түргэн буцалгагчид хийн бэлттгэснээ хүлээсэн байна. Тэд дэлбэлэх бодисоо хийнэ гэсэн хугацаанаасаа өмнө бэлэн болгочихсон учраас Тусгаар тогтнолын өдрийг хүлээлгүйгээр марафон гүйлтийн тэмцээний үед дэлбэлжээ. Жохар бас ахтайгаа хамт 2011 онд Йеменд алагдсан “Аль-Кайда” бүлэглэлийн нэг удирдагч Анвар аль-Авлакийн сургааль айлдварыг интернетээр үзсэнээ хүлээсэн байна. Харин тэд алан хядагчтай харилцаатай байсан эсэхиийг нотлох баримт Холбооны мөрдөх товчоонд байхгүй байгаа юм.
Дөрөвдүгээр сарын 15-нд Бостонд тэмцээний барианы газарт бөмбөг дэлбэлэхэд гурван хүн амь алдаж, 260 гаруй хүн шархдаж, гэмтсэн юм.