Дэлхийн Эрүүл мэндийн байгууллагын шинжээчид шувууны шинэ төрлийн H7N9 ханиад хүрээгээ тэлэн дэгдэж болзошгүйг анхааруулж сэрэмжлүүллээ. Үүнийг ДЭМБ-ын мэргэжилтнүүд “Үхлийн аюултай вирус” гэж тооцож байна. Үүнтэй зэрэгцээд хятадын эрх баригчид өнгөрсөн долоо хоногт 19 хүн нэмж өвчилсөн гэдгийг зарлалаа. Ингэснээр хятадад энэ өвчний халдвар авсан хүн 296 болж 127 хүн нас бараад байгаа юм. Британийн анагаах ухааны үндэсний хүрээлэнгийн ханиад судлалын төвийн удирдагч Жон Макколи “Шинэ вирусыг ДЭМБ аюултай” гэж үзэж байна гэжээ. Үнэхээр энэ вирусын халдвар авсан хүний 20 хувь нь үхэж байгаа нь хамгийн ноцтой юм.
Одоохондоо энэ вирус Хятад, тайванийн  нутагт л илрээд байгаа юм. Харин энэ ханиад хүнээс хүнд халдсан тохиолдол бүртгэгдээгүй байна. Гол үүсгэгч нь гэрийн тэжээмэл шувуу гэж үзэж байна.