Японы бэлгэ тэмдэг болсон алдарт Фүжи уулыг ЮНЕСКО-ийн дэлхийн өв санд бүртгэхээр болсон тухай тус улсын Засгийн газрын Ерөнхий нарийн бичгийн дарга Ёшихидэ Суга мэдэгдлээ.
ЮНЕСКО-ийн бүрэлдэхүүнд байдаг Хөшөө, дурсгалт газруудын олон улсын зөвлөл “ICOMOS” нь Фүжи уулыг Дэлхийн соёлын өвийн санд бүртгүүлэх зөвлөгөө өгсний дагуу өнгөрсөн жилийн нэгдүгээр сард Японы Засгийн газар өргөдлөө өгсөн юм. Өргөдөлдөө Фүжи уулыг дээрээ түүх, соёлын 33 дурсгалтайгаас япончуудын уламжлалт шүтлэгийн төв гэж мэдэгджээ. Үүнээс өмнө ч энэ уулыг соёлын өвд бүртгүүлэхээр хүсэлт гаргаж байсан юм. Гэвч тухайн үед уулаар аялдаг жуулчид хэтэрхий их хог хаядаг гээд татгалзсан хариу өгч байсан аж.
Фүжи уулыг тахидаг мянга гаруй сүм Японд бий.