УИХ-ын сонгуулийн 26 дугаар тойрог буюу Сонгинохайрхан дүүргийн дахин санал хураалтаар сонгогчдын олонхийн санал авсан Д.Сумъяабазар тангараг өргөх ёстой ч одоо болтол тангарагыг өргүүлээгүй байгаа юм. УИХ дахь МАН-ын бүлгийн дарга Н.Энхболд өнөөдрийн чуулганы хуралдаан эхлэх үед “Ард түмний сонголтыг баталгаажуулуулах хэрэгтэй. Тиймээс өнөөдрийн чуулганы нэгдсэн хуралдаанд Д.Сумъяабазарыг тангараг өргүүлээд чуулганы хуралдаанаар хэлэлцэх асуудлуудаа хэлэлцээд явъя” гэсэн санал гаргав. Гэвч УИХ дахь АН болоод “Шударга ёс” эвслийн бүлгээс чуулганаар хэлэлцэх асуудалд Д.Сумъябазарыг тангараг өргөхийг дэмжсэнгүй. Ингэснээр Д.Сумъябазар дараагийн долоо хоногийг хүлээхээр боллоо.