УИХ-ын Тамгын газраас гаргасан хуваарийн дагуу өнөөдөр УИХ-ын чуулганы нэгдсэн хуралдаантай. Өнөөдрийн хуралдаанаар УИХ-ын дэд даргыг томилох тухай асуудлыг хэлэлцэх юм байна. УИХ-ын дэд дарга С.Баярцогт өөрийн хүсэлтээр албан тушаалаасаа огцорсон болохоор түүний оронд УИХ-ын гишүүн Р.Гончигдоржийг томилж байгаа юм.
Мөн өнөөдрийн хуралдаанаар Улс төрийн намын тухай хуульд нэмэлт, өөрчлөлт оруулах тухай хуулийн төслийг хэлэлцэнэ. Хууль санаачлагчийн илтгэлийг УИХ-ын гишүүн Р.Бурмаа танилцуулах бол ТББХ-ны санал дүгнэлтийг УИХ-ын гишүүн Х.Тэмүүжин танилцуулах аж. Харин хуралдаанаар хэлэлцэх гурав дахь “Монгол Улсын хууль тогтоомжийг 2016 он хүртэл боловсронгуй болгох Үндсэн чиглэлийг батлах тухай” Улсын Их Хурлын тогтоолын төслийн хэлэлцэх эсэх байх аж. Хууль санаачлагчийн илтгэлийг Хууль зүйн сайд Х.Тэмүүжин танилцуулах бол Хууль зүйн байнгын хорооны санал, дүгнэлтийг УИХ-ын гишүүн Д.Лүндээжанцан танилцуулна.