Венесуэлийн парламент болох Үндэсний ассамблейн хуралдаан дээр сөрөг хүчний Ардчилсан эв нэгдлийн эвслийн хэсэг депутатыг зодсон хэрэг гарлаа хэмээн орон нутгийн хэвлэлүүд мэдээлсэн байна. Үндэсний ассамблейн  тэргүүн Диосдадо Кабельо сөрөг хүчний төлөөлөгчдийг сая болсон ерөнхийлөгчийн сонгуульд Николас Мадуро ялсныг хүлээн зөвшөөр, ингэхгүй бол хуралдаан дээр үг хэлэх эрхийг нь хасна гэжээ. Үүнд дургүйцсэн депутатууд  эсэргүүцлээ илэрхийлж цоор үлээцгээсэн байна. Үүнээс үүдээд парламентын танхимд жинхэнэ зодоон эхэлсэн байнна. Хэлмэгдсэн депутатын нэг Хулио Борхесын хэлснээр бол хэд хэдэн депутат сөрөг хүчний дөрвөн гишүүн рүү дайрч зоджээ. Түүний нүүр хавдаж хө толбо үүсэн байна.
Дөрөвдүгээр сарын 14-нд болсон ерөнхийлөгчийн ээлжит бус сонгуулиар Николас Мадуро 50,8 хувийн санал авч сөрөг хүчнээс нэр дэвшсэн өрсөлдөгч Энрике Каприлесээс 1,9 хувийн саналаар тэргүүлсэн юм. Каприлес болон түүний талынхан сонгуулийн дүнг хүлээн зөвшөөрөхөөс татгалзан саналын хуудсын дахин тоолохыг шаардсан юм.