Бостонд болсон дэлбэрэлтийн хэргийг мөрдөн шалгаж байгаа ажилтнууд энэ халдлагад эмэгтэй хүн тусалсан байж  магадгүй гэж үзэж байна. Тэд дэлбэрэлт болсон газраас олсон бөмбөгний хэлтэрхий дээрээс эмэгтэй хүний ДНК-гийн ул мөр олсон байна. Гэхдээ мөрдөн байцаагчид өнөөдөндөө энэ аймшигт гэмт хэрэгт ямар эмэгтэй тусалсан байж болох вэ гэдгийг таамаглан тогтоож чадаагүй байгаа юм байна. Ухаандаа дэлбэрэх бодис, түргэн буцалгагч  худалдаалсан дэлгүүрийн худалдагчийнх байж болох юм. Үүний өмнө Холбооны мөрдөх товчооны ажилтнууд ах Тамерлан Царнаевын бэлэвсэн гэргий Кэтрин Расселтэй уулзаж харьцуулахын тулд ДНК-гийн шинжилгээ авсан юм.
Дөрөвдүгээр сарын 15-нд америкийн Бостон хотноо болж байсан олон улсын марафон гүйлтийн тэмцээний барианы газарт бөмбөг дэлбэлснээс гурван хүн нас барж, 200 гаруй хүн шархадсан юм.