Даваа гарагт Чехийн нийслэл Прага хотын төв Үндэсний театраас холгүй дэлбэрэлт болж 55 хүн бэртэж гэмтсэн хэрэг гарчээ. Таван хүн амь алдсан гэж байгаа боловч энэ тоог батлаагүй байна. Ойр орчмын барилгын цонх хагарч, аврагчид энэ хавиас 220 орчим хүнийг аюулгүй газарт нүүлгэн шилжүүлжээ. Өнгөрсөн шөнө энэ орчимд дахиад хий алдагдаж байгаа мэдээ ирсэн байна. Цагдаагийнхан хэрэг гарсан газрын хөдөлгөөнийг  бүслэн хаагаад байгаа юм байна. Урьдчилсан дүгнэлтээр ахуйн хий алдагдсанаас болж дэлбэрсэн гэж үзэж байгаа юм байна.