Бангладешт энэ асырн 24-нд нурсан найман давхар барилгын нуранги дор тав хоног амьдарч, аврагчид илрүүлэн аврах гэж байтал тэнд нь түймэр гарч  хөөрхий эмэгтэй нас барсан байна. Гал түймэртэй тэмцэх газрын тэргүүн Ахмед Алийн  хэлснээр  эмэгтэйг гаргаж авахад даанч их хугацаа, хамгийн багаар бодоход 10-11 цаг хэрэгтэй байсан гэнэ. Түймрийн улмаас гурван ч гал сөнөөгч түлэгдэж гэмтсэн байна.  
Ингэснээр дотор нь оёдлын үйлдвэр, худалдааны төв ажилладаг байсан найман давхар барилга нурсны улмаас нас барсан хүний тоо 379 болж байгаа юм. Аврагчид 2,5 мняга орчим хүнийг аварсны нэг мянга гаруй нь хүнд шархадсан байсан юм.