Японы мэ­дэлд байдаг ч манай урд хөрш “Зөвхөн ма­найх” гэж булаа­цалдаад байгаа Сенкаку арлыг тойр­сон асуудал ахиад л хурцдаж эхэл­лээ. Хятадын тал эд­гээр ар­ал руу байл­дааны найман усан онгоц явуулсан байна. Хятад урд нь ч маргаантай арлуудын орчим байлдааны усан онгоцуудаа явуулж байсан ч энэ удаагийнх шиг нэг зэрэг олныг явуулж байгаагүй юм.

Газрын тос, шатдаг хийн нөөц илэрсний дараагаар энэхүү арлыг тойрсон маргаан өнгөрсөн оны есдүгээр сараас эхлэн онцгой хурц болсон билээ. Маргаантай таван арал бүгд хувийн эзэмшлийнх байсан болохоор Японы тал аюулгүй байдлаа хангахын  тулд улс мэдэлдээ авах ёстой гэж шийдээд гурвыг нь эздээс нь худалдан авсан юм. Ингэж худалдан авсны дараа Хятадад Японыг эсэргүүцсэн олон тооны жагсаал цуглаан болж хийрхэсэн зарим хүн Японд үйлдвэрлэсэн машинаа эвдлэн хаях зэргээр элдэв авирлаж байсныг уншигч та санаж байгаа байх.

БНХАУ-аас гадна Тайвань сүүлийн үед Сэнкаку арлын төлөөх маргаанд идэвхтэй оролцох болсон. Өнгөрсөн оны есдүгээр сард Тайваний хилийн хамгаалалтын усан онгоцоор хамгаалуулсан загас агнуурын хөлгүүд Японы мэдлийн усанд хүчээр нэвтрэх гээд чадаагүй юм.