ОХУ-ын Белгород хотод зургаан хүний амь бүрэлгэсэн Сергей Помазунаас  мөрдөн байцаагчид мэдүүлэг авч тэр өчиг өгч эхэлжээ. Одоо түүний  сэтгэцийн  талаар шүүх эмнэлгийн дүгнэлт гаргуулах юм байна. Мөрдөн байццах ажиллагаанд шаардлагатай бусад ажлыг ч ойрын үед хийх гэнэ. Белгородын төв дэх ангийн “Охота” дэлгүүрт, дэлгүүрийн гадаа зургаан хүнийг буудаж амийг нь бүрэлгэсэн Сергей Помазуныг төмөр замын өртөөн дээрээс ачааны галт тэргэнд нуугдан гарах гэж байхад нь баривчилсан юм. Түүнийг баривчилах үеэр бас эсэргүүцэл үзүүлж цагдаагийн нэг ажилтныг хутгаар шархдуулсан байна.
Тэр өмнөх өдөр нь ангийн дэлгүүрээс сум авахаар очсон боловч өмнө нь ял шийтгэл эдэлж байсан гэсэн шалтгаанаар түүнд сум худалдаагүйд өширхөж ийм хэрэг үйлдсэн гэж  эхний дүгнэлт хийж байна.
Сергей Помазун 22-ны өдөр Белгородын төв дэх “Охота” дэлгүүр гал нээн гурван худалдагчийн амийг хөнөөгөөд гудамжинд явсан нэг эрэгтэй, 14, 17 настай хоёр охиныг бас буудан хөнөөсөн юм.
Алуурчны гарт амь үрэгдсэн хүмүүсийн дурсгалыг хүндэтгэж өчигдөр, өнөөдөр Белгород хотноо эмгэнэл зарлаад байна.