Өмнөд Солонгосын өмнөд нутагт байдаг “Вольсон“ цөмийн цахилгаан станц дээр өнөөдөр өглөө ослын зогсолт явагджээ. 1 сая кВт цахилгаан эрчим хүч үйлдвэрлэдэг реактор орон нутгийн цагаар 7 цагт ослын зогсолт хийжээ. Реакторыг ажиллуулдаг “Korea Hydro & Nuclear Power Co” компани нь ослыг зогсолт хийгдэх болсон шалтгааныг одоогоор тодруулж чадаагүй байгаа ч цацраг идэвхит бодис алдагдаагүй гэдгийг албан ёсоор мэдэгджээ. Солонгост цөмийн 23 реактор ажилладаг бөгөөд эдгээр нь Өмнөд Солонгосын цахилгаан эрчим хүчний 30 хувийг үйлдвэрлэдэг.