Дорнод аймгийн Мэргэжлийн хяналтын газрын 70584080 дугаарын утсанд Цагдаагийн газраас Хэрлэн сумын 3 дугаар багийн нутагт цагдаагийн постын орчимд үхсэн шувуу байна гэсэн мэдээлэл иржээ. Мэдээллийн дагуу тус аймгийн ХХААЖДҮГ-ын Мал эмнэлгийн алба, Онцгой байдлын хэлтэстэй хамтран газар дээр нь ажиллажээ.
Мал эмнэлгийн албанаас Халдвартын их эмч, бактериологич эмчийн бүрэлдэхүүнтэй баг халдвар хамгааллыг сайтар хангаж, үхсэн шувуунаас биоаюулгүй ажиллагааг хангасан нөхцөлд дээж авч, түргэн тестээр урьдчилсан оношлогоо хийв. Тестийн дүнгээр шувууны томуу өвчин биш болох нь тогтоогдсон байна.
Үхсэн шувууны сэг зэмийг нүхэнд хийж шатаан булж, орчмын газрыг халдваргүйжүүлсэн байна. Мөн үхсэн шувууны 3-5 км-ийн радиус бүхий орчинд эрэл хийсэн ч ямар нэгэн сэжигтэй зүйл олдоогүй байна.