АНУ-ын Бостон хотод болсон марафон гүйлтийн тэмцээний үеэр бөмбөг дэлбэлсэн хэрэгт сэжиглэгдэж байгаа чечень гаралтай Жохар Царнаев ухаан орж мөрдөн байцаагчийн асуултад бичгээр хариу өгч эхэлсэн байна.
Мөрдөн байцаагчид юун түрүү өөр бас ийм халдлага, үйлдэл хийх эсэх, энэ талаарх мэдээллийг сонирхож байгаа юм байна. Царнаев хоолойдоо хүнд шархадсан учраас одоохондоо ярьж чадахгүй байгаа юм.
Бостонд гурван хүний аминд хүрч 170 орчим хүнийг шархдуулсан энэ дэлбэрэлтийг чечень гаралтай  ах дүү Тамерлан болон Жохар Царнаев үйлдсэн гэж сэжиглэж байгаа юм. Тэднийг дэлбэрэлт болсон газарт явж байсан нь дүрс бичлэг дээр үлдэж, гэрчүүд тэдний байгаа газрыг зааж өгснөөр баривчилсан юм. Ах Тамерлан нь цагдаа нартай буудалцаж байгаад амь үрэгдсэн бол 19 настай Жохар нь хүнд шархдан баривчлагдсан юм. Тэд 2001 онд гэр бүлийн хамт АНУ-д цагаачилж гарсан юм байна.