ОХУ-ын Ерөнхийлөгч Владимир Путинтай хийх телевизийн “Шулуун шугам” шууд нэвтрүүлэг энэ сарын 25 буюу дараагийн пүрэв гарагт болно гэж Кремль мэдээллээ. Төрийн тэргүүний оролцох энэ шууд нэвтрүүлгийг “Первый”, “Россия 1”, “Россия 24” телевизүүд, “Маяк”, “Вести FМ” болон  “Радио России” зэрэг радиостанцууд шууд дамжуулах юм байна. Нэвтрүүлэг үргэлжлэх хэдэн цагийн туршид ОХУ-ын ерөнхийлөгч иргэдийн асуултад хариулах юм.

ОХУ-ын ерөнхийлөгчийн хэвлэлийн нарийн бичгийн дарга Дмитрий Песковын өмнө хэлснээр энэ шууд нэвтрүүлгийг ийнхүү энэ жилээс эхлэн дулааны улиралд хийж байгаа нь энэ юм.

2011 онд Владимир Путинтай хийсэн ийм шууд нэвтрүүлэг хамгийн удаан буюу дөрвөн цаг хагас үргэлжилж байсан юм. Харин 2012 онд энэ нэвтрүүлгийг алгасч том хэвлэлийн бага хурал хийж өнгөрөөсөн юм.