Хаврын тэнгэр хуйсагнасан Европ тивд Испанийн Мадридад өнгөрсөн амралтын өдрүүдэд  эхний дулаан өдрүүд тохиож жуулчидтай хамт цагдаагийнхан эргүүлд гарсан байна. Өнгөрсөн оны долдугаар сарын 15-наас хэрэгжиж эхэлсэн гудамж талбайд согтууруулах ундаа уувал 600 еврогоор торгох хуулийг зөрчих, сахиулах ажил зэрэгцэх мөч чухам л энэ дулаан өдрүүд байсан гэж болно. Амралтын өдрөөр торгуулийн хуудас халаасалсан 120 хууль сахиулагч эргүүлд гарч жуулчид, орон нутгийн иргэдээс хууль зөрчсөн 621 хүнийг нийтдээ 300 мянган еврогоор торгож орхижээ. Гудамжинд хэдүүлээ ярьж суух, юм үзэж явахдаа нэг хоёр шил шар айраг бариад явж сурчихсан улс цагдаа нарын зууш болж халаасаа гөвж байгаа бололтой. Энэ хэргийг давтан үйлдвэл 1100 евро төлөх хэрэгтэй болно.