БНАСАУ-ыг үндэслэгч, их удирдагч Ким Ир Сений төрсөн өдрийг тохиолдуулан түүний ач хүү, өнөөгийн удирдагч Ким Чен Ун Кымсусаны ордонд зочилсон байна. Энэ өдрийг умард Солонгос даяар нарны өдөр хэмээн тэмдэглэдэг уламжлалтай. Удирдагч Ким Чен Уныг өөрийн өвөө, эцэг хоёрын бунханд орж хүндэтгэл үзүүлэхэд нь цэргийнхэн, намын удирдлагууд дагалдаж явсан байна.
Өнөөдөр өглөөнөөс эхлэн энэ ордонд удирдагчдаас гадна энгийн иргэд цувран орж хүндэтгэл үзүүлж байна. Умардынхан энэ баярын өдрөөрөө баллистик пуужин харваж магадгүй гэж ажиглагчид үзэн болгоомжилж байгаа юм.