Польшийн Ченстохова хотод манай гариг дээрх хамгийн өндөр хөшөө, Ромын пап асан Иоанн Павел II-ын хөшөө нээлээ. Associated Press”ийн мэдээлснээр бол хөшөө 14 метр өндөр юм байна. Католик шашны тэргүүн хоёр гараа алдлан зогсч байгаа энэ хөшөөг польш дахь католик шашны хамгийн хүндтэй газрын нэг болох Ясна Горын сүмийн дэргэд босгожээ. Долоон тонн жин дарах энэ хөшөөг босгох ажлыг орон нутгийн бизнесмэн санхүүжүүлсэн байна. Иоанн Павелийн өөр нэг хөшөө Чилид байдаг ч энэ нь 12 метр өндөр юм.
Иоанн Павел II буюу Карол Вайтыла 1978 онд Ромын папаар сонгогдож католик шашны тэргүүний албыг 27 жил хашин 2005 онд насан өөд болсон юм. Тэр католик шашны тэргүүнээр сүүлийн 400 жилийн хугацаанд сонгогдсон анхны итали бус, анхны польш хүн байсан юм.