Домогт хөлбөмбөгч Диего Марадона Венесуэлийн ерөнхийлөгчийн сонгуулийн сурталчилгааны хаалтад оролцож Уго Чавесийн залгамжлагч Николас Мадурог дэмжиж үг хэлсэн байна. Каракасын төв Боливарын өргөн чөлөөнд болсон цуглаан дээр Николас Мадуро “Бидэнтэй хамт дэлхийн хөл бөмбөгийн од Диего Армандо Марадона байна” гэж хашгиран тэнд цугларсан хэдэн зуун мянган хүний цөсийг хөөргөжээ. Марадона ч Николасын дэргэд зогсон хүмүүстэй мэндчилээд нэр дэвшигчийн гараас хөл бөмбөг авч цугларагсад руу өшиглөсөн байна.
Энэ цуглаан дээр Николас Мадура ерөнхийлөгчийн ээлжит бус сонгуульд ялах итгэл төгөлдөр байгаагаа илэрхийлжээ. Тэр энд “Венесуэл улс аюулгүй, авлигатай тэмцдэг, эдийн засаг нь өсдөг улс болно” гэсэн байна.
Харин түүний өрсөлдөгч, сөрөг хүчнээс нэр дэвшигч Энрике Каприлес бол “Улс оронд өөрчлөлт хэрэгтэй байна. Ард түмэнд тустай уюг ч өөрчлөхгүй, харин авлигыг устгах болно” гэж байна.
Венесуэлийн ерөнхийлөгчийн ээлжит бус сонгууль энэ 14-ний ням гарагт болно.