Ираны 27 настай залуу эрдэмтэн Али Рагези хүн төрөлхтний нэг бэрхшээл болсон ирээдүйд яах бол гэдэг зовнилыг арилгахаар  ирээдүйг урьдчилан хардаг цаг хугацааны машин бүтээсэн байна. Тэрээр энэ машинаа бүр стратегийн боловсруулалтын төвд бүртгүүлж амжсан байна. “Цаг хугацаагаар аялах машин-Aryayek” гэдэг энэ машин нь хүний хурууны хээгээр ирээдүйг нь “хардаг” байна. Физикчийн үгээр бол энэ машин ирээдүйн 5-8 жилийн үйл явдлыг мэдээлж чадах гэнэ. Тэрээр энэ машиныхаа тухай “Машин таныг ирээдүйд аваачих биш харин ирээдүйг танд авчирна” гээд одоо ираны засгийн газар ойрын үед болж мэдэх  цэргийн мөргөлдөөн, нефтийн үнэ, валютын ханш зэргийг харж болох юм гэсэн байна.
Гэхдээ түүний санааг хулгайлж магадгүй учраас  машинаа бөөнөөр нь үйлдвэрлэхгүй гэсэн байна. “Хэрэв машинаа үйлдвэрлээд эхэлбэл хятадууд санааг минь хулгайлаад хэдэн саяар нь үйлдвэрлэчихнэ шүү дээ”  гэж Разеги хэлжээ.