Нийслэлийн шүүх өнөөдөр Соёл, спорт, аялал жуулчлалын яамныхны В.И.Лениний музейг зориулалтаар нь ашиглах, хэний өмч болохыг нь тогтоолгох нэхэмжлэлийг хэлэлцэнэ. Засгийн газраас тус музейг үлэг гүрвэлийнх болгох шийдвэр гаргаад багагүй хугацаа өнгөрч байна. Гэвч эл шийдвэр нь хэрэгжихгүй өнөөдрийг хүрлээ. Учир нь, Лениний музейг МАН-ынхан өмчилж, ССАЖЯ болон ТӨХ-нд суллаж өгөхгүй байгаа. Тиймээс тэд шүүхэд хандаж, асуудлыг шийдвэрлүүлэхээр болсон нь энэ.
Тус шүүх энэ сарын 1-нд асуудлыг хэлэлцэхээр товлосон байсан боловч МАН-ынхан шүүх бүрэлдэхүүнд хандаж, өмгөөлөгч авах хүсэлт гаргаснаар шүүх хурлыг өнөөдрийг хүртэл хойшлуулсан билээ.