БНАСАУ өнөөдөр балластик пуужин харваж магадгүй гэж хамгийн сүүлийн тагнуулын мэдээ сэлтийг үндэслэн америкийн засаг захиргаа үзэж байна. Тэдний мэдээллээр бол умард солонгос дунд тусгалын пуужингаа зүүн эрэгтээ байрлуулж алсын удирдлагатай харвагч дээр суурилуулжээ. Хэзээ ч харваж магадгүй хэмээн телевизийн CNN эх сурвалжаас аван мэдээлсэн байна. Эх сурвалжийн мэдээллээр бол БНАСАУ пуужин харвах бэлтгэлээ хэдийнээ хийгээд дууссан байна. Пуужинг юун түрүү Японыг чиглүүлэн харвах бололтой.
Үүнтэй зэрэгцээд АНУ-ын Номхон далайн зэвсэгт хүчний командлагчя Сэмюэл Локлир “Хэрэв пуужингийн нислэг АНУ болон манай холбоотнуудад аюул учруулахаар заналхийлбэл Пентагон түүнийг устгана” гэж хэлсэн байна. АНУ-ын сенатад үг хэлсэн адмирал БНАСАУ-ын цөмийн хөтөлбөр, умард солонгосын балластик пуужин нь АНУ-д шууд заналхийлж байна гэжээ.