Туркийн Стамбул хотод байгаа Гүржийн ерөнхийлөгч Михаил Саакашвили унадаг дугуйнаас унаад гараа хугаллаа гэж туркийн хэвлэлүүд мэдээллээ. Ням гарагт болсон энэ явдлаас болоод даваа гарагт Туркийн эрх баригчидтай хийх гэж байсан яриа хэлэлцээрүүдийг хойшлуулж, түүнийг эмнэлэгт хүргэсэн байна. Яриа хэлэлцээрийг өнөөдөр болно гэж хэвлэлүүд мэдээлжээ. Үйл явдлын талаар албан ёсны мэдээлэл гараагүй байна.