Денге нэртэй халуун чичиргээ өвчний хамгийн олон хүн хамарсан тахалтай тулгарч магадгүй байгаа тухай Сингапурын “Straits Times” сонин мэдээлж байна. Үхлийн аюултай энэ өвчний талаар Сингупурт мэргэшин ажилладаг Лео Еэ Шин нь тус сонинд өгсөн ярилцлагадаа “Энэ жил бид денге халуун чичиргээ өвчний өргөн хүрээтэй тахалтай тулгарна гэдэгт бэлтгэлтэй байх ёстой ” гэсэн байна.
Энэ өвчнөөр зөвхөн өнгөрсөн долоо хоногт халдварласан хүний тоо 327 болжээ. Гэтэл таван сая гаруй хүнтэй энэ улсын тахлын босго нь долоо хоногт 191 тохиолдол юм. Тэгэхээр нэгдүгээр сараас эхлээд долоо хоног бүр 300 сингапур хүн энэ өвчний халдвар авч байгаа нь маш аюултайд тооцогдоно. Ингээд ч зогсохгүй энэ тоо нь зургадугаар сарын үеэр хоёр дахин нэмэгдэж долоо хоногт 600-д хүрч магадгүй болжээ.
Денеге чичиргээг тогтмол цэвэр усанд үрждэг нэгэн төрлийн шумуул тараадаг. Өвчин нь биеийн халуун огцом нэмэгдэж таваас долоо хоног буудаггүй, үе мөч ба булчингаар хүчтэй өвдүүлдэг, дотуур цус алдуулдаг шинж тэмдэгтэй. Яаралтай эмчилгээ хийгээгүй тохиолдолд үхэлд хүргэх аюултай.
