Их британийн ерөнхий сайд асан, төмөр хатагтай Маргарет Тетчер 87 насандаа Лондонд нас нөгчжээ. Эрүүл мэндийн таагүй байдлаасаа болоод тэрээр сүүлийн жилүүдэд олны өмнө нэг их харагдахгүй гэртээ байдаг болсон. Тэр эмнэлэгт хэвтэж байгаад өнгөрсөн оны арванхоёрдугаар сарын 30-нд гэртээ гарч зул сарын баяраа тэмдэглэсэн юм. 
Маргарет Тетчер 1979 оноос 1990 он хүртэл Их британийн Засгийн газрыг тэргүүлж байсан европын орнуудын хувьд Засгийн газрын анхны эмэгтэй тэргүүн байсан юм. Тэрээр британид хийсэн улс төр, эдийн засгийн шинэчлэлийнхээ дүнд “Төмөр хатагтай” гэсэн алдар хүртэж байсан юм. 
2002 оноос түүний эрүүл мэндийн байдал муудаж улс төр, олон нийтийн арга хэмжээнд нэг их оролцохоо больсон юм. Эмч нарч түүнийг ийм арга хэмжээнүүдэд оролцохыг хориглох болжээ. Өнгөрсөн онд хатан хаан Елизаветагийн төр барьсны 60 жилийн ойгоор Ерөнхий сайд байсан хүмүүст зориулж барьсан хүндэтгэлийн зоогт ч тэрээр оролцож чадаагүй юм.
Маргарет Тетчерийн охин Кэрол Тетчер 2008 онд ээжийнхээ хуучин тогтолцоотой хийсэн тэмцлийн тухай ном хэвлүүлсэн юм.
2011 онд Холливуд түүний тухай “Төмөр хатагтай” кино хийж нэр жүжигчин Мэрил Стрип гол дүрд нь тоглон Оскарын шагналыг гурав дахь удаагаа хүртсэн юм. 
