Дуулиант Wikileaks сайт АНУ-ын төрийн департамент болон тагнуулын албаны нууц материалуудыг дахиад нийтэлж шуугиан тарилаа. Энд 1970-аад оны дунд үеийн 1,7 сая материал байгаа юм байна. Нийтэлсэн материалууд нь 1973-1976 онд хамаарах тагнуулын тайлан, цахилгаан утас, тэр үеийн Төрийн нарийн бичгийн дарга асан Хенри Киссенжер болон конгрессийн гишүүдийн гар бичмэл, бусад баримтууд гэнэ. Хамгийн сонирхолтой нь энд тараахыг хориглож нууцалсан баримтууд байгаа юм. Wikileaks сайтыг үндэслэгч Жулиан Ассанжийн хэлснээр бол энэ баримтуудыг тухайн үеийн америкийн болон олон улсын нөлөө бүхий улстөрчид задалж байгаа юм гэжээ.
Дөрөвдүгээр сарын эхээр Wikileaks өөрийн твиттертээ шинэ “Тусгай төсөл К” гэгчийг хэрэгжүүлж эхэлсэн тухайгаа зарласан юм.
сүүлийн есөн сарын турш Лондон дахь Эквадорын ЭСЯ-нд нуугдаж байгаа Жулиан Ассанжид Эквадор улстөрийн орогнол өгөөд байгаа юм.
