“Бид умард Солонгосын зүүн хойд нутаг дахь Пунгерийн цөмийн туршилтын талбайн хонгилд тээврийн хэрэгсэл, ажиллагсдын идэвхтэй ажиллагааг бүртгэж авлаа” гэж The Chosun ilbo сонин өмнөд Солонгосын Засгийн газрын эх сурвалжаас иш татан мэдээлсэн байна. Үүний зэрэгцээ Өмнөд Солонгосын ерөнхийлөгчийн Аюулгүй байдал хариуцсан зөвлөх Ким Жан Су умард Солонгос дөрөвдүгээр сарын 10-нд пуужин хөөргөнө. Энэ нь Умардын Гадаад хэргийн яам гадаадын дипломат төлөөлөгчдийн газрыг эх орноосоо гарахыг анхааруулсанаар батлагдаж байна гэж хэлсэн байна.
Өмнөд Солонгос “үйл явдлын өрнөлтөд бэлтгэлтэй байгаа ч”, бас Умард Солонгос дайнд бэлтгэж байгаа гэсэн ямар нэгэн шинж тэмдэг алга” гэж мэдээлж байгаа юм. Тэд бас Умардынхан пуужин хөөргөвөл энэ нь ээлжит нэг өдөөн хатгалга л болно гэж үзэж байна.
Харин Умардынхан болохоор ийм ажиллагаагаа үргэлжлүүлсээр АНУ, Хятад, эсвэл ОХУ-г Пеньян руу тусгай төлөөлөгчөө илгээж БНАСАУ-ын тавиад байгаа шаардлагатай танилцана гэж итгэж байгаа бололтой хэмээн шинжээчид үзэж байна.