Сирийн молла ламтан Ясир аль-Ажлавни исламын сунитийн талыг баримталдаггүй эмэгтэйчүүдийг хүчирхийлэхийг жихидийн цэргүүдэд зөвшөөрсөн байна. YouTube сайтад тавьсан энэ ярилцлагад сунитыг дагадаггүй эмэгтэй бол “мальк аль-ямин” буюу коран сударт өгүүлснээр бэлгийн боол байх ёстой гэжээ.
Иорданд гаралтай Аль-Ажлавни Сирид ирээд 17 жил болж байгаа юм байна.
Египетэд бас молла Абу Ислам бас мусульман бус эмэгтэйчүүдийг хүчирхийлж болно гэсэн байна. Харин түүнийг ийм үг хэлснийх нь төлөө египетийн эрх баригчид баривчилсан гэнэ.
Өнгөрсөн сарын сүүлчээр “Аль-Кудс аль-Араби” сонинд “Жихадын гэр бүл” гэсэн өгүүлэл гарч ихэд тархсан. Үүний дараагаар Тунист насанд хүрээгүй охин алга болсон тохиолдол гарсан юм. Зарим эх сурвалж охиныг Иорданд байгаа сирийн босогчдын лагеруудад хүргэсэн гэж байгаа. Ийм байдлаар насанд хүрээгүй охидыг Асадын эсрэг дайтаж байгаа босогч дайчдад өгдөг байна. Тэдний ингэж нэрлэсэн “гэрлэлт” хэдэн цаг үргэлжлээд дараа нь охиныг сөрөг хүчний босогч нэгний эхнэр болгон өгдөг гэжээ.
