Оросын жуулчин Вадим Махаров, гэрэл зурагчин Виталий Раскалов нар сайхан зураг авахын тулд Египетийн Гизе дэх цац суваргын бүр орой дээр нь гарчихжээ. Эртний хаадад зориулсан дурсгалт байгууламжийн нь орой дээр гишгилж ийм увайгүй үйлдэл гаргасан тэднийг нутгийнхэн тун дургүй байгаа гэнэ. Вадим Махоров интернетээр CNN-д хандаж ёсзүйгүй авирласандаа хэвлэлээр уучлал гуйсан байна. Тэр хар багаасаа л Египетийн гайхамшиг болсон цац суваргын оройд гарч үзэхийг хүсэдг байсан гэдгээ дурджээ. “Тэнд гараад ямар мэдрэмж төрснөө үгээр хэлэхийн аргагүй. Хүүхэд насны минь мөрөөдөл биелсэн. Тэр орой дээрээс би жинхэнэ гайхамшиг, гоо сайхан, цөлийн байгалийг олж харсан” гэж ярьсан байна. Харин хөндлөнгийн гэрчүүд бол хэсэг залуус цац сударга руу авирч харагдсан, орой дээр нь гарахад тэд 20 минут л зарцуулсан байх” гэжээ. 
