Улсын хэмжээнд газрын тосны хэтийн төлөв бүхий хайгуулын 30 талбай ялгаснаас 21 талбайд 16 аж ахуйн нэгжтэй нь бүтээгдэхүүн хуваах гэрээ байгуулжээ. Үүний наймд нь сонгон шалгаруулалт явуулж, нэг талбайд нь нээлттэй тендер зарласан аж. Өнөөдрийн байдлаар “Тосон-Уул XIX”, “Тамсаг-XXI” талбайд “Петрочайна Дачин Тамсаг” ХХК, “БХГ-97” талбайд “Доншен газрын тос” ХХК тус тус газрын тосны ашиглалт, олборлолтын үйл ажиллагаа явуулж байна. Бусад 18 талбайд хайгуулын ажил хийж буй.  Газрын тос олборлож буй дээрх хоёр компани 1998 оноос өнөөг хүртэл нийт 16.6 сая баррель буюу 1.8 сая тонн газрын тос олборлож, өмнөд хөрш рүү экспортлон борлуулалтын орлогоос “Петро Чайна Дачин Тамсаг” ХХК 251 тэрбум, “Доншен газрын тос” ХХК 81 тэрбум төгрөг буюу нийт 332 тэрбум төгрөгийг улсын төсөвт оруулсан аж. Үүнээс өнгөрсөн онд 123 тэрбум төгрөгийг төвлөрүүлсэн байна.