Хоёр Солонгосын харилцаа дайны байдалд шилжлээ гэсэн Умард Солонгосын мэдэгдлийг Өмнөд Солонгос нэг их тоохгүй байна. “Умард Солонгосын өнөөдрийн энэ мэдэгдэл бол шинэ аюул биш, харин өдөөн хатгах гэсэн байнгын заналхийллийнх нь үргэлжлэл” гэж Өмнөд Солонгосын Батлан хамгаалах яамны мэдэгдэлд тэмдэглэснийг France-Presse агентлаг ишилжээ. Өмнөдийн цэргийн эх сурвалж, Умардын талаас ойрын үед ямар нэгэн үйлдэл хийж довтлох шинж байхгүй байна гэсэн байна. Үүнтэй нэгэн адил АНУ ч гэсэн умардын мэдэгдэлд нухацтай хандаж байгаагаа илэрхийлжээ. Мөн БНАСАУ-ын мэдээллийн төв агентлаг KCNA өнөөдөр энэ мэдэгдэлд дайн зарласан тухай огт байхгүй. Ганцхан “дайны цагийн байдалд шилжлээ” гэсэн байгаа гэжээ.
Үнэн хэрэгтээ хоёр Солонгос 1950-1953 оны дайны дараанаас хойш 60 жилийн турш дайны байдалд оршиж байгаа юм.