“Үндсэн эрхийн хамгаалалт ба иргэний эрх зүйн чадавхийг нэмэгдүүлэх асуудал” сэдэвт үндэсний зөвлөлдөх уулзалт вээр болно. Монгол Улсын Хүний эрхийн үндэсний комисс, Монгол Улсын Хууль зүйн яам, НҮБ-ын Хөгжлийн Хөгжлийн хөтөлбөр хамтран зохион байгуулж буй уг арга хэмжээ нь НҮБ-ын шинэ байрны III давхарт, хурлын танхимд бүтэн өдрийн турш үргэлжлэх аж.  
Ядуурал бол хүний эрхийн хамгийн ноцтой зөрчлийн нэг. Монгол улсад ядуурлыг бууруулах зорилгоор халамжийн хөтөлбөр хэрэгжүүлэх, мэргэжлийн сургалтууд явуулах, ажлын байрыг нэмэгдүүлэх, жижиг дунд үйлдвэрлэлийн зээл олгох зэрэг арга хэмжээг явуулж байна. Энэхүү уулзалтаар үндсэн эрхийн хамгаалалт, хүний эрх, хүмүүсийн амьжиргаа сэдвээр илтгэлүүд, ядууралд хууль тогтоомж, эрх зүйн орчин хэрхэн нөлөөлж байгааг хэлэлцэх, тухайн асуудлыг зохицуулсан хууль тогтоомж эсвэл түүнийг хэрэгжүүлж буй журам, практик нь тодорхой бүлгийг эрх зүйн зохицуулалтаас гадуур орхиж, ядуурлаас гарах боломжийг хааж байгаа эсэхийг авч хэлэлцэх, сэдэв тус бүрээр салбар хуралдаан болох юм байна.