Гуравдугаар сарын 22 буюу өнөөдөр Монгол хүн анх сансарт ниссэн өдөр. 1981 оны гуравдугаар сарын 22-ны энэ өдөр ЗХУ-ын хоёр удаагийн баатар, нисгэгч Владимер Жанибеков, Монгол Улсын баатар Ж.Гүррагчаа нар сансарт нисч, түүхэнд  тэмдэглэгдэн үлдсэн юм. Энэ үед Владимер Жанибеков 39 настай туршлагатай нисгэгч байсан бол Ж.Гүррагчаа дөнгөж 20 гарсан залуу байлаа.
1981 оны тэр оройг Монголын ард түмэн сансарт ниссэн хүүгийнхээ төлөө санаа зовнин, бас бахархан өнгөрүүлснээ мартаагүй. Харин сүүлийн үед энэ тэмдэглэлт өдрийг БХЯ, ЗХЖШ гэхээсээ илүү хэвлэлийнхэн илүү анхаардаг болжээ.