Монгол Улсад үндэсний сэтгүүл зүй үүсч хөгжсөний 100 жилийн ойн босгон дээр сэтгүүл зүйн салбарын дайчид маань төрийн өндөр цол тэмдэгээр шагнууллаа. Монгол Улсын Ерөнхийлөгч Ц.Элбэгдоржийн зарлигаар Монголын чөлөөт хэвлэлийн анхдагч “Ардчилал” сонины анхны эрхлэгч С.Амарсанаа, “Түгээмэл” дээд сургуулийн захирал Ү.Хүрэлбаатар, МУИС-ийн Сэтгүүл зүйн тэнхимийн багш Л.Норовсүрэн, МҮОНР-ийн сурвалжлагч Доржсүрэн, МҮОНТ-ийн нэвтрүүлэгч Дарамсүрэн нар Монгол Улсын Соёлын гавьяат зүтгэлтэн цол тэмдэгээр шагнууллаа. Мөн “Өдрийн сонин”-ы Ерөнхий эрхлэгчийн зөвлөх Ж.Гангаа Хөдөлмөрийн гавьяаны улаан тугийн одонгоор энгэрээ мялаасан юм.