Дайны эрсдлийн даатгал нэрээр их хэмжээний мөнгө угаасан хэрэгт холбогдоод буй МИАТ-ын Гүйцэтгэх захирал асан Н.Эрдэнэбилэг, Ц.Орхон болон хэрэгт холбоотой гэх хүмүүсийг Цагдан хорих төвд хорьж байгаа билээ.
Эл хэрэг ямар шатанд явааг Хууль зүйн сайд Х.Тэмүүжин хэлэхдээ, “Цагдан хорих төвд хоригдож байгаа хүмүүс өөр хоорондоо утсаар ярьж байсан нь тогтоогдсон. Энэ нь мөрдөн байцаалтад хүндрэл учруулж байна” гэж мэдэгдэж байсан. Тэгвэл сэжигтнүүд өмгөөлөгчдөө сонгожээ. Ц.Орхон өөрийн өмгөөлөгчөөрөө Ц.Монголыг авсан байна. Харин бусад хүмүүс тус бүрдээ өмгөөлөгч авсан гэдгийг эх сурвалж өгүүлэв.