Соёл, спорт, аялал жуулчлалын яам болон Төрийн өмчийн хороо хамтран Лениний музейтэй холбогдох асуудлаар өнөөдөр 12:30 цагт “Монгол ньюс” мэдээллийн төвд мэдээлэл хийхээр болжээ. Өмнө нь уг барилгын асуудлаар Соёл, спорт аялал жуулчлалын яамнаас МАН-д албан бичиг явуулж, музейн барилгыг суллаж өгөхийг хүссэн. Үүний дагуу тус барилгыг энэ сарын 7-нд суллаж өгнө, яамныхан хүлээж авах нь гэсэн мэдээлэл түгсэн ч МАН-ынхан өгөөгүй байгаа юм. Тиймээс өнөөдөр энэ асуудлаар мэдээлэл хийж, төрийн өмчийн хорооноос хэрхэн, ямар шийдвэр гарсан эсэхийг танилцуулах юм байна.